احلى صحبه

احلى صحبه

لو شايف نفسك صاحب بجد اشترك معانا
 
الرئيسيةس .و .جبحـثالتسجيلدخولدردشه

شاطر | 
 

 مذكرات ............!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
nahoula
 
 
avatar

الجنس : انثى
رقم العضويه : 21
عدد المساهمات : 70
تاريخ التسجيل : 18/01/2010

مُساهمةموضوع: مذكرات ............!!   الخميس 28 يناير 2010, 1:23 am

مذكرات ويوميات مراهقة بتدور على الحب

طبعا ده موش اسم فيلم ولا حاجه دي مزكرات مراهقه عاشت فترة مراهقتها بكل ما تحمل الكلمة من معنى في خيالها وفي الحقيقة ايضا فهي حالمة رقيقة تسرح بخيالها حيث الامل والحب والتجربة

على فكره القصة دي قريتها وعجبتني وحبيت انقلها اليكم للامانه فقط
البنوته اسمها اماني والاسم ده طبعا مستعار هو والاسماء اللي ممكن تكون فالقصة كمان

هنبتدي المزكرات بأول موقف في حياة اماني


كمان شهر بالظبط هتم ال17 سنه انا برج الميزان طيبه قوي وبحب الناس قوووووي نفسي ابقى مطرقعه لمرة واحده في حياتي وابطل خوفي وكسوفي اللي زيادة عن اللزوم ده وعمري ما حبيت وعمري ما حسيت اننا زي غيري عبير ولينا وشروق محبوبين نفسي احس اننا زيهم محبوبة وبحب وبتحب بس انا ما ينفعش تقريبا لان ابويا راجل غلبان وعلى قد حاله هيشتريلي هدوم زي اللي بتجيبها لينا كل يوم منيين وهعمل شعري كل يوم عند الكوافير زي ما بتعمل شروق منين و ما اعرفش اخرج لوحدي زي ما بتعمل عبير اي نعم البت عبير بتفطسنا ضحك كل يوم على حكاويها مع رائد لكن يا مصيبتها السودة لو طنط قفشتها دي موش هيطلعلها نهار
ياااااااااه ايه القرف ده هستنى لحد امتى علشان احب زيهم

قلت لنفسي :
بطلي عبط يبت ايه اللي انتي بتقولي ده الحب ده حرام ايوه حرام لاااااااااء الحب مش حرام انا نفسي احب بقى ماليش دعوة هفضل لأمتى انتظر اليوم ده لاء مش مستنيا حاجه انا هدور بنفسي
انا بكرة هروح عند لشروق اخليها تعملي شعري ششوار وهستلف طقم من لينا وهروح لعبير نخرج على الله الاقي حد يحبني استأذنت من ماما اننا هروح عند عبير النهرده وهنخرج وكده المهم وافقت
لبست بقى في خمس ثواني وجري عند عبير

وكنت قبل الخروجه بمنظر تاني غير اللي خرجت بيه شعر منكوش وبنطلون قماش بسيط وقميص وفجأة
لقيت لينا جيبالي بنطلون جينز غالي قوووووي ليها وبتقولي قيسي ده وشروق مجهزه الششوار وعبير هتخدني معاها و هنخرج نروح على مكة مول
واوووووووووو مكة مول حلم عمري من زمان نفسي يتحقق عليا النعمة لو طلبت من بابا يخدني لقلي اتلهي هوا احنا لقيين ناكل اما اخدك مكان زي ده
طبعا ايه ساعة وانا اصرخ وهما بيشدو في شعري وشمه ريحة شياط ايه ده هي دي جيبا البنطلون ده ازاي وبتلبسه ازاي دي لالالالالا اللا ده مكياااااااج دي اروح فيكو اللومان تؤتؤ انا موش لاعبه
يبت بطلي عقد تعالى بس هي دي الموضه وربنا هتقضي يوم زي العسل و المكان هناك يجنن المهم الزن على الوادن امر من السحر المهم حسيت وكأني زي العروسة شعري جميل واللبس حلو عليا قوووي واقتنعت بعد اما قالولي ان حتى لينا وشروق جيين معانا وما فيش اي داعي للخوف


ووصلنا عمو والد لينا بالعربيه يبختك يا لينا موش بتتشعبطي كل يوم في الميكرو علشان توصلي المدرسه
المهم وصلنا مكة موول ونظرات الانبهار وخداني

ينهار زي بعضه ده انا مكنتش عايشه قبل النهرده الناس كتير التخين والرفيع والطويل والقصير من كل شكل ولون وانا لو ما كنتش جيت كان زماني بتفرج على القناة الاولى واللا بتخانق مع اختي الصغيره واللا قاعدة في القوضه وحواليا الف واحد احسن حاجه اننا خرجت
واكلت ايس كريم كان اطعم ايس كريم كلته في حياتي شوية كده وقعدنا لقيت اتنين شبان جم بيسلموا على لينا اتخديت قوي رحت قيمه من مكاني قالتلي ده محمد ومصطفى ولاد طنط سميحه صاحبة ماما انا سمعت طنط سميحه ارتحت قعدت تاني سلموا ومشيوا
ما فيش ثانية واحده وقالت لينا انا هاخد شروق ونتفرج على الفتريين بتاعت اللبس موش هنتأخر طبعا عبير بتلعب في الموبايل وكل شويه هارت رائد رن ومسيجيز وانا ببص وبس
وحياة ربنا لأمي تعلقلي المشنقه النهرده يلله نمشي
نمشي ده ايه دحنا ما بقلناش ساعه قاعدين بطلي بقى خنقتيني
طيب اوعديني اننا موش هنتأخر انا ورايا مزاكرة
اوك اوك بس والنبي بلاش زن
سكت وقعدت ابص على الناس وكأن الناس دي موش شبه الناس اللي عندنا في الحتة خالص الجو كان جميل والمول كان مليان مرت ساعة و لينا وشروق مجوش ولا حتى شفتهم



حصل ايه في المول هقولكم في حلقة بكرة

انتظرونا



القصه طويله اوي مش هكلمها :p غير لما شوف ردود حلوة من احلى ناس في احلى صحبه هااااااااااااااااا 8->
الرجوع الى أعلى الصفحة اذهب الى الأسفل
t_i_g_e_r
 
 
avatar

الجنس : ذكر
رقم العضويه : 7
عدد المساهمات : 208
تاريخ التسجيل : 21/12/2009

مُساهمةموضوع: رد: مذكرات ............!!   الخميس 28 يناير 2010, 9:11 am

انتى رخمة اوى يا نهلة انا اندمجت مع القصة
وربنا ماهديكى رد حلو غير لما تكمليها
وابقى شوفيلى لينا ديه لو مش مرتبطة انا موجود
الرجوع الى أعلى الصفحة اذهب الى الأسفل
t_i_g_e_r
 
 
avatar

الجنس : ذكر
رقم العضويه : 7
عدد المساهمات : 208
تاريخ التسجيل : 21/12/2009

مُساهمةموضوع: رد: مذكرات ............!!   الخميس 28 يناير 2010, 9:12 am

وحشتينا والله يا نهلة بجد ليه الغيبة ديه كلها
يارب يكون المانع خير
الرجوع الى أعلى الصفحة اذهب الى الأسفل
nahoula
 
 
avatar

الجنس : انثى
رقم العضويه : 21
عدد المساهمات : 70
تاريخ التسجيل : 18/01/2010

مُساهمةموضوع: رد: مذكرات ............!!   الخميس 28 يناير 2010, 1:12 pm

هههههههههههههههههههههه يارخم اناكمان مفيش تتمه غير لما شوف رد حلو هاااااااااااااااااااا بقى
وانتو كممان وحشتوني بس معلش ظروف
مغسي على مروروك الطيب ياغالي
الرجوع الى أعلى الصفحة اذهب الى الأسفل
شذى
 
 
avatar

الجنس : انثى
رقم العضويه : 4
عدد المساهمات : 261
تاريخ التسجيل : 21/12/2009

مُساهمةموضوع: رد: مذكرات ............!!   الخميس 28 يناير 2010, 11:20 pm

تسلم ايدك يانهله شيقه اووووووووووووى القصه وفيها اثاره بس ماتتاخريش علينا علشان تكمليها مش بحب الانتظااااااااااااااااار يانهله مستنياكى على احر من الجمر :-(( :( =D>
الرجوع الى أعلى الصفحة اذهب الى الأسفل
nahoula
 
 
avatar

الجنس : انثى
رقم العضويه : 21
عدد المساهمات : 70
تاريخ التسجيل : 18/01/2010

مُساهمةموضوع: رد: مذكرات ............!!   الجمعة 29 يناير 2010, 12:36 am

ههههههههههههههههههههههه حاضر ياقمري
الرجوع الى أعلى الصفحة اذهب الى الأسفل
Ѕ.α.β.ә.Я
 
 
avatar

الجنس : ذكر
رقم العضويه : 1
عدد المساهمات : 189
تاريخ التسجيل : 18/12/2009

مُساهمةموضوع: رد: مذكرات ............!!   السبت 30 يناير 2010, 1:09 pm

هايل يا نهله تسلم ايدك



الرجوع الى أعلى الصفحة اذهب الى الأسفل
http://a7la-so7ba.ba7r.org
 
مذكرات ............!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احلى صحبه :: القسم الادبى :: القصص والروايات-
انتقل الى: